西斜唔西斜？揀樓前睇清楚下晝個太陽

西斜到底係幾點開始？

夏天嘅香港，太陽下晝三點大約喺西南偏西、仰角四十幾度；五點已經落到西北偏西、仰角廿幾度。 所以「西斜」真正難頂嗰段，係下晝三點到六點之間，太陽夠低、直射入屋、又曬足幾個鐘牆身。 冬天太陽軌跡偏南，同一個西向單位反而三點幾就開始被自己座樓嘅牆角遮住。

上面個工具計嘅就係呢樣：揀咗樓層同朝向之後，地圖會逐分鐘睇太陽喺唔喺你嗰面牆前面、 有冇俾其他樓擋住，然後答你一個時段，唔係一句「西向有西斜」。

同一座樓，唔同層爭好遠

對面有幢四十層嘅樓，低層可能兩點半就入咗影，高層七點都仲曬住。呢個差別喺樓書、 平面圖、代理相片度全部睇唔到 —— 要有周圍真實樓宇嘅形狀先計得出。 所以工具問你樓層，唔淨係問朝向。

我哋點計出嚟

• 實景三維模型 —— 用地政總署嘅 3D Visualisation Map （1:1000 分幅、實景貼圖）砌返你幢樓同周圍嘅樓，唔係一嚿方盒。
• 真實地形 —— 香港成半嘅樓起喺斜坡上，山身本身都會遮太陽， 所以連地形同遠處嘅山脊都計埋。
• 逐分鐘睇天空 —— 由你揀嗰個窗口位置望出去， 計太陽軌跡上每一分鐘係曬到、俾樓擋住，定係喺牆背面，再夾埋成年十二個月嘅變化。

準確度：只計直射陽光，唔計雲、玻璃反射同露台遮擋；體塊精度約四米，所以日照起訖時間可能相差五到十分鐘。 三維模型同地形資料：香港特別行政區政府地政總署。地址搜尋：地政總署地址資料服務（ALS）。

免費用，唔使登記

揀好樓層同朝向就計得，唔使開戶、唔使留電郵。日期同時間隨你調，睇夏至、冬至、今日都得； 想比較第二層或者第二個朝向，喺同一張地圖度再揀過就得。

想自己喺地圖度慢慢揀，可以直接打開地圖。想睇樓齡、大維修命令同校網，去樓宇紀錄同校網查詢。